KOMPA! MAGAZINE

[NEGKREYOL]

Mezanmi mwen kontan tounen lakay. Prezidan ke nou chwazi nan eleksyon 20 Mas la te deyò. Li tal regle kòz ke nou te remèt li. Mwen te deplase pou mwen tal komanse louvri pòt lòtbò dlo pou garanti ke lè nou komanse travay 14 Me ke se yon travay ka pral bay rezilta.

Nou konnen ke chay yap kite pou nou a lou anpil. Ni oumenm, ni mwen menm nou pa pè leve chay. Mwen menm avèk nou konnen ke chay la lou, travay la difisil men ansanm nou pral bay bon jan rezilta. Nou pral travay pou fè bagay yo ateri pou pèp la.

Jodia mwen sispèk ke genyen anpil moun ki pral poze mwen kesyon sou vwayaj mwen lòtbòdlo et sou rezilta eleksyon malatchong yo.
Sou zafè rezilta eleksyon malatchong yo, pozisyon mwen klè nan diskou ke mwen te fè depi Jedi 21 Avril la. Fòk vòt pèp la respekte. Nou pa kapab konstwui demokrasi nan volè eleksyon. Se pousa mwen mande ke yon komisyon endependan ankete sou sa. E se pousa tou, fòk lajistis peyi dayiti san abi jwenn kote verite a chita.

Pou vizit lòtbò dlo nou te deplase ak pwoblèm pèp la nan kè nou. Kòm prezidan ke pèp la chwazi chak maten lè mwen leve se pwoblèm pèp la ki nan kè mwen ak nan tèt mwen. Pandan ke map travay lajounen ak konseye mwen yo se pwoblèm pèp la ki nan kè mwen ak nan tèt mwen. Lè map diskite ak otorite meriken, gwo enstitisyon ki genyen mwayen tankou BID, FMI, Bank Mondyal se pwoblèm pèp la ki nan tèt mwen ak nan kè mwen. Lè mwen pral dòmi se pwoblèm pèp la ki nan tèt mwen ak nan kè mwen. Nan tout sa map fè se solisyon pwoblèm yo ke nap chache pou ayisien sispann soufri.

Kisa mwen diskite nan Washington ?
Mezanmi map di nou Sekrete Deta Clinton te byen resevwa prezidan ke nou chwazi a. Mwen pap bannou manti akèy la te bon. Atravè akèy sa se vòt oumenm pèp ayisien ke ouvenman meriken tap bay respè.

Madan Clinton, Staff li, Mwen menm ak staff pa mwen nou diskite de kisa nou kapab fè ansanm lè mwen fin prete sèman kòm prezidan le 14 Me. Genyen 1.7 milyon sitwayen kap viv anba tant depi 15 mwa e nan sezon sikolnik la kap komanse premye jen pou rive 30 Novanm yo prevwa 16 siklonn ane sa. Nap travay rèd pou nou fè preparasyon.

Mezanmi nou konnen ke prezidan tèt kale nou a pale verite. Mwen di Madan Clinton ke nan kad kowoperasyon ant 2 peyi yo nou bezwen bonjan kay pou pèp la ki nan lari a.
Se pa yon bagay fasil e li komprann sa.

Mwen pale de frè ak sè nou ki genyen kè kase nan Miami, Nouyòk, Boston elatrye paske yo poko jwennn renouvèlman TPS la, li di mwen pa enkyete mwen kite koze sa nan men li.

Mwen diskite avèk li sou jan èd la ap rantre nan peyi dayiti. Jan l rantre a li pa ateri tout bon pou pèp la. Nou dakò ke lè Gouvènman mwen finn monte nou pral travay pou ranje sa.

Genyen dosye ekonomik la ke nou diskite tou yon fason pou genyen plis ayisyen ki jwenn djòb nan peyi a. Sa se yon gwo defi.
Nou diskite tou de kijan 2 peyi yo pral mete estrateji anplas kont dilè dwòg, moun kap vann moun. Nou dakò ke demokrasi, respekte dwa moun, eleksyon lib, se yon bon bagay pou demokrasi kapab blayi.

Sou zafè sekirite peyi a lè jounalis te poze nou kesyon nou te di ke nou pral monte yon fòs ki pral rele Fos defans teritwa peyi dayiti. Li kapab koute ant 10 a 15 milyon dola pa rapo a MINUSTAH ki koute 864 milyon. Nou tout konnen ke MINUSTAH se te yon bagay pwovizwa. Pasa ?
Nan BID ak Bank Mondyal nou pale de nesesite pou restriktire jan èd la ap rantre nan peyi a.

Nou pale tou de nesesite pou peyi dayiti kapab prete lajan anplis de 200 milyon ke yo bannou chak ane. Ti kòb sa bon men li pa ase pou retire kote nou ye a. Pa genyen okenn peyi sou latè ki kapab konstwi enfrastrikti ak pèmèt ekonomi a pran jarèt sil pa genyen posiblite poul prete lajan. Nou ensiste sou sa anpil.

Nou pèdi 30 milya dola apre 12 janvye, pou nou sòti nan pas difisil sa, nou bezwen prete lajan pou nou kapab relanse ekonomi a e retire pèp la nan mizè.
Nou konnen gen 2 fwa ant zanmi diskisyon yo sere, men lè yon pèp ap soufri fòk ou kenbe rèd pou ou kapab defann enterè li. Zanmi komprann sa.

Devan enterè pèp la, devan soufrans pèp la Prezidan tèt kale pap fè bak e zanmi etranje nou yo komprann sa tou. Pèp la ap soufri anpil, li bezwen jwenn yon li limye.

Lè yo gade, yo konstate ke pèp la chwazi yon prezidan ka pral dirije ak transparans, yon prezidan ka pral travay poul jwenn rezilta.
Menzanmi mwen kontan wè nou, ti 2 jou ke mwen pase deyò fè mwen tris paske mwen te sonje nou anpil. Oumen m ki nan pwovens mwen te sonje ou, oumenm ki amba tant la prezidan tèt kale te sonje nou tou. Peyizan kap koupe banann nan jaden li, mwen te sonje ou tou.

Erezman ke dyaspora a te vinn rechofe kè mwen e yo te pwofite pou di mwen ke yo pare pou yo tounen, yo pare pou yo vinn bay kout men. Mwen te ale plizyè lòt kote tankou nan FMI, Chamb de komes, CSIS men kòm genyen jounalis ki la ki bezwen poze kesyon ann bayo chans yo.
Mèsi.
_________________
Knowledge Will Forever Govern Ignorance

[Nounoune]

Quote:

Genyen 1.7 milyon sitwayen kap viv anba tant depi 15 mwa

That number is very inaccurate this was the number of haitians living under tents IMMEDIATELY after the earthquake. The number has since moved to 680,000

I know the president elect has good intentions,..and trust me, I more than anyone want him to succeed because it will be better for HAITI!...I truly think he should surround himself with better advisors as you have to be on your A-Game when speaking to World Bank/FMI...or any other agencies when you are trying to obtain funding and grants. There is a discrepency of over 1 million. One must be very wise when referring to specifics especially when money is in question.

Fok nou pran bagay yo serieux ampil,...tout espwa nou basé sou ou!
Nounoune

[SIROMYEL]

I appreciate the fact the Martelly is taking the time to adress the Haitian people to make his presence felt.

I know some might think the president should have a spokesperson and he shouldn't be so visible and he shouldn't have a press conference pou tout bagay.

Maybe in the future once peyi a demara and haitians are use to having a government that is working for them ( if it will happen).

But right now is crisis time and the president does need to reassure the people that he is here and working, just like FDR use to do with the fireside chats during the great depression.

When was the last time Haiti had a president who actually adressed them when there was an issue si se pa pou di yo naje pou soti or pase pran'm.
_________________
A man who has taken possession of his own mind may take possession of anything else to which he is justly entitled_ Carnegie